2020 წლის ივნისიდან პარტნიორობა ჯანმრთელობის კვლევისა და განვითარებისთვის ახორციელებს აშშ ჯანმრთელობის ეროვნული ინსტიტუტის მიერ დაფინანსებულ პროექტს „სტრატეგიული პარტნიორობა/ტრენინგი აივ ინფექცია/შიდსის დასამარცხებლად საქართველოში“.
პროექტის მთავარი მიზანია აივ კასკადის პირველ საფეხურზე არსებული ხარვეზების ამღმოფხვრა, რაც საზოგადოებრივ ჯანმრთელობასა და იმპლემენტაციის მეცნიერებაში ქართველი მკვლევარების მორიგი თაობის ტრენინგის გზით განხორციელდება.
პროგრამის გეგმა 5-წლიანია და სამ ძირითად კომპონენტს მოიცავს:
(1) გრძელვადიანი ტრენინგი, რომლის ფარგლებშიც 10 დოქტორანტი მომზადდება ი.ჯავახიშვილის სახელობის თბილისის სახელმწიფო უნივერსიტეტის ბაზაზე. ათივე სტუდენტი 8 თვის განმავლობაში გადამზადებას გაივლის აშშ-ი, პირველი ოთხი თვე ოლბანის უნივერსიტეტის საზოგადოებრივი ჯანმრთელობის სკოლაში, ხოლო მომდევნო 4 თვის განმავლობაში - ინტერნატურას ნიუ-იორკის შტატის ჯანმრთელობის დეპარტამენტის შიდსის ინსტიტუტში.
(2) მოკლევადიანი ტრენინგი, რომლის ფარგლებში 30 პოსტ-დოქტორანტი / მოქმედი მკვლევარი მომზადდება იმპლემენტაციური კვლევების საკითხებში და
(3) თსუ სადოქტორო პროგრამის ინსტიტუციური შესაძლებლობების გაძლიერება ტრენინგების განსახორციელებლად იმპლემენტაციის მეცნიერების სფეროში
პროექტის პარტნიორები არიან:
- აშშ ჯანმრთელობის დეპარტამენტი/ჯანმრთელობის ეროვნული ინსტიტუტის ფოგარტის საერთაშორისო ცენტრი
- ნიუ-ორკის შტატის უნივერსიტეტის დაუნთაუნის სამედიცინო ცენტრი
- ოლბანის საზოგადოებრივი ჯანმრთელობის სკოლა
- ნიუ-ორკის შტატის ჯანდაცვის დეპარტამენტის შიდსის ინსტიტუტი
- ნიუ-ორკის უნივერსიტეტის, გლობალური საზოგადოებრივი ჯანმრთელობის სკოლის ნარკომანიისა და აივ / C ჰეპატიტის კვლევის ცენტრი
- ი.ჯავახიშვილის თბილისის სახელმწიფო უნივერსიტეტი
- დაავადებათა კონტროლისა და საზოგადოებრივი ჯანმრთელობის ეროვნული ცენტრი
- ტუბერკულოზისა და ფილტვის დაავადებათა ეროვნული ცენტრი
- ჯანმრთელობის კვლევის კავშირი
- საერთაშორისო ფონდი კურაციო
- სოციალური კვლევისა და ანალიზის ინსტიტუტი
